Italia

."Gabonak, zure familiarekin, Pascua nahi duzunarekin" hau da italiarrentzat, Gabonen leloa. Azaltzen duena zera da: zein garrantzitsua den italiarrentzat Gabonak familiarekin pasatzea. Gabonetako egun garrantzitsuena, abenduaren 24a da, eta egun honetan senide guztiak "cenone" izenenko platerrak jaten dituzte eta "Babbo Natale"-k ekarritako opariak zabaltzen dituzte.
"Cenone" Italiarrak arau batuzk ditu, lehengoa arraina soilik jatea da.Bestetik, Italiari buruz hitz egiten badugu pasta ezin da falta eta kasu honetan gabonetan ere ez. Plater tipikoenak, pasta tomate saltsa desberdinekin eta hegalaburrarekin, eta arrain entsalada janaria hasteko.
Hurrengo egunean ( 25ean) haragia jan daiteke eta okela egosia, rosbif edo arrosto oleka jaten da normalean. Gabon guztietan zehar,gozokiak ez dira falta eta horien hartean famatuena "panettone" izeneko bizkotxoa da.
Tradizioa dioenez, Gabonetako Zuhaitza, abenduaren 8tik aurrera jar daiteke, Imanculadaren egunean. Egun honetan ere etxe italiarretan jaiotzak jartzen hasten dira, beti bakoitzari etxeko toke pertsonala emanez.
Umeek "Befana" etortzea itxaroten dute. Befana, emakume zahar bat da , erratza gainean doana, eta tximinietatik sartzen da opariak eta gozokiak usten ditu familia osoarentzat. Guztiei, txarto portatu direnei ezik, hauentzat ikatz gozoa eramango die.Beraz, badakizue umeeak hemengoak zein italiakoak bazarete eta txarto portatzen bazarete jai daukazue Befana eta Olentzerorekin!

Kanada

Oraingoan oso goikaldera egingo dugu bidaia, Kanada baita geure helbidea!

Kanadan Estatu Batuen antzera ospatzen dituzte gabonak, nahiz eta zenbait probintzietan ohitura ezberdinak egon. Esaterako, eskimalek neguko jaialdi handia ospatzen dute, " Sinck Tuck" deiturikoa. Jai honetan, opari banaketa egiteaz gainera, dantzan ere aritzen dira gogotsu. Labrador penintsulan, arbiak gorde ohi dira udatik,ondoren haurrei emateko. Arbi hauek zulotxo bat izaten dute, eta zulotxoan kandela bat egoten da sarturik.

Eskozia berrian bestalde, eskoziar aintzindariek kolonizaturiko eskualdean, Gabonetan, goizero, jatorri bretoidarra eta euskalduna duten kantu eta bilantzikoak abesten dira, duela bi mende bertara eroandakoak.

Zoragarria izan behar du lurralde arrotz batetara joan eta geure kantu zaharrak entzute hori! Edota eskimalen artean kantu eta jolasean aritzea! Esperientzia berri bat da azken finean, zergatik ez dugu ba probatuko!

Gabon egun zoriontsua igaro dezazuela eta Olentzerok opari mordoxka bat ekarri diezazuela, onak izan bazarete, noski!

Txina

Kaixo bidaiari!! hemen gaituzue beste astebetez gure proposamenak egiteko asmoz. Gaurkoan eskuzabal gatozenez gero, baten ordez, bi Urte Berri egun eskeiniko dizkizuegu bidaia bakar batean!

Bai, bai, halaxe da! Izan ere, herri txinatarra munduko zortedunetarikoa ez ote den zalantzan gaude, besteok Urte Berri egun bakarra dugun bitartean, eurak bi dituztenez gero: mendebaldekoa, urtarrilaren 1ean egiten dena, eta "lunar" deiturikoa, urtero-urtero dataz aldatzen bada ere, gutxi gora behera otsaila hasieran edota erdialdean ospatzen dena.

Txinatarrek ongi etorri beroa ematen diote urteari, hamabost egunetan zehar ospakizunak egiten dituztelarik. Hamabost egun hauek "Linternen festa" deiturikoarekin amaitzen dira azkenik. Esan, orobat, bi aste horietan jan edota erabiltzen diren gauza guztiek esanahi bikoitza izan ohi dutela, bakea, arrakasta eta zorte ona iragartzeko.

"Lunar" deituriko Urte Berri eguneko festa " Udaberriko Festa" izenez ere deitua da. Hau dela eta, " udaberria" adierazten duen txinatar ideograma ezartzen da etxeko ate eta hormetan. Ideograma honek udaberri adierazteaz gain, " gehiegizko janari " ere esan nahi du, izan ere, janaria soberan egotea espero da, horrenbeste janari, non datorren urterako gorde ahal izango baiten.

Urte Berri eguna baino egun batzuk lehenago, familiek etxeko garbiketa orokorra egiten dute, eta behar ez diren gauzak bota egiten dituzte , datorren urtea, urte berri eta garbia izango delakoan.

Gabon Zahar gauean, "Twan Yuan Fan" izeneko afaria ospatzen dute familiartean, " bileraren afaria" esanahaia duena. Familiako kide guztiak, aitaren aldeko etxera itzuli behar dute afari honen ospakizunerako. Mahai borobiletan afaldu ohi da , borobilak perfekzioa eta betikotasuna esan nahi duelako, familiarteko harremanetarako espero dena.

Haurrak dira, bestalde, festa hauekin gehien gozatzen dutenak. Izan ere, Gabon Zahar gaueko afariaren ostean, gutun-azal gorrixka batzuk jasotzen dituzte, diru kopuru jakin bat dutenak. Gutun-azal horien kolore gorriak zoriontasuna adierazi nahi du, eta diru kopurua beti izan ohi da bikoitia, "zorte on"-eko zenbakiak baitira hauek. Afariak gaueko hamabiak arte iraun behar du gutxienez, une horretan petardo mordoa jaurtitzen direlarik, izpiritu gaiztoak uxatu eta urte berriari ongi etorria emateko.

Japonia

Japonian, ikusi ditugun hainbat leku bezala urte berriari ongi etorria emateko, haimbat erritu tradizional egiten dituzte.
Japoniako herritarrek gabon zahar gaua baino lehenago, garbiketa orokorra egiten dute etxean, erabiltzen ez dituzten gauzak edo zaharrak direnak botaz. Honetaz aparte, askok edo gutxienez ahal dutenek, armairu berriztaketa egiten dute, bere bizitzaren etapa berria simbolizatzen duena.
Abenduaren 31an Omisoka edo Urtearen azken egun handia izenez ezaguna dena ospatzen dute. Tradizioa dioenez, egun horretan familia guztiak etxea garbitu ostean, fideozko taza tradizionalak jaten dituzte, urte asko iraungo duzunaren simbolo baitira.
Templuetako kanapainhotzak entzuten direnean, urte hasieraren seinale da eta, tradizioa dioenez japoniarrek santutegi sintoistetara joaten dira. Gero urte berriaren ospakizunak hasten dira urtarrilaren 4erarte.

India

Aste bat baino gutxiago geratzen da Olentzero gure etxeetan sartzeko, familiarekin afalzeko, opariak irekitzeko eta orokorrean ondo pasatzeko. Baina beste herrialdeetan, jadanik Gabonetan daude, eta beste batzueki asko geratzen zaie. Goazen ikustera aste honetan ere, nola ospatzen diren Gabonak munduko txoko desberdinetan.
Abenduaren 25ean Indiako jaia nazionala da eta bertan bizi diren 20 milioi kristauek tradizio okzidentalekin ospatzen dituzte Gabonak. Urte berria ostera, hinduen ilargi egutegiaren arabera ospatzen da, apirilaren 20an, su eta bainu erritualekin. Egun horretan milioika peregrino Ganges ibaian edo putzu sakratuetan bainuak hartzen dituzte. Baina indiar kulturan, gabonen itxura antzekoena har dezakeen festa, desberdintasun espiritualak kontuan hartu gabe Diwali da. Ospakizun honetan, Lakshmi jainkosa gurtzen da, aberastasuna eta arrakasta eskatzeko. Guzti hau familia eta lagun giroan baturik egiten da, beraien artean kartetara jolastu eta opariak eginez.

Australia

Gabon festak uda giro apartean ospatu nahi badituzu, Australiara bidaia egiteko gonbitea egiten duzugu oraingoan! Izan ere, bero handien egiten duen unean ailegatzen dira gabonak Australiara.

Bertan, usadio oso ezberdinak dituzte geureekin alderatuz. Honela, australiarrek, gabon egunean, opariak trukatzen dituzte gosaltzen ari diren bitartean. Ondoren, familia asko eta askok hondartzan prestatzen dituzte bazkariak, gabon gaueko afari berezia baino lehen.
Dekorazioari erreparatuz, palmando eta garo hostoez apaintzen dira etxeak, eta baita lore bereziz ere. Horietako bat aipatzearren, “Gabonetako Kanpaia” izenekoa dugu, urre-koloreko ertza duen lora. Askotan gainera, palmondoak berak erabiltzen dira gabonetako zuhaitz antzera.
Gaua ailegatzean, parkeak jendez betetzen dira, kandelak eskuan dituztela, fededun zerbitzuetara jotzen dutelarik.

Beraz, kultura berriak ezagutu eta ohitura ezberdinak bizi nahi badituzu, Australia da gunerik aproposenetarikoa. Hau ez ezik, hamaika ezusteko biziko baitituzu Australiar eguzkipean!

Errusia

Errusian ospatzen diren gabonak nahiko bereziak dira inguruko herrialdeetan ospatzen direnekin alderatuz.Ospakizunak adibidez, egun batzuk geroago ospatzen dira Ortodoxoen egutegia jarraitzen dutelako. Gabon gauan, etxe errusiarretan sartzeko aukera izango bagenu, seguru asko 12 platerretako afaria topatuko dugu mahai batzuetan ( batzuetan esaten dut,dakigunez Errusian pobre ugari daude eta ez dut uste hauek horrelako gabonak ospatu ahal izango dituztenik), plater bakoitza apostolu bati zuzentzen baitiote. Baina guzti hauen artean, Errusiarren izar platerra arraina erremolatxazko soparekin da eta hau ez da inoiz falta.
Bestetik urte berri egunean, umeek Izotzaren Aitonaren zain egoten dira, Maroz izenez ere ezagutua. Honek ere, Papa Noel bezala, bixar txuri luzea du, eta arropa gorria eta bota beltzak darama. Gainera, Marozek, Izotzetako Neskaren laguntza du eta etxeetako ume txikienei , jostailuak, genjibrez egindako pastelak eta Matriuskak ( egurrezko panpin hauek oso tipikoak dira Errusian eta barnean papin txikiagoak dituzte) oparitzen dizkie. Ze politak!

Norvegia

Pelikuletako gabon horietako bat bizi nahi duzue? Ba ikusi eta entzun!

Norvegiako gabonen berezitasunetako bat etxeko txokoren batean sua eta kandelen argia piztua edkuitzearena da. Abenduaren 13an, Santa Lucia egunean, hasten dira gabonetan lehenengo ospakizunak, eta 13ko gau horretan etxeko animaliek ere, gabonetako lehen afari berezia dastatzen dute. Trentzazko otarrez, lihozko zurtoinezko koroez, eta iratxo figurez apaintzen dituzte beren etxeak norvegiarrek.

Norvegiarren mahaietan sekula ez da arrozezko morokilik falta, barruan intxaur bat ezkutaturik dutenak. Aurkitze duenak zantzu berria izango du urte berrian. Izonkina, bakailaoa, haragi-bolak, orein patea ahabiaz lagundurik, baiazko krema... da batik bat egun hauetako gastronomia, hori bai, zerbeza eta akevitt (norvegiako pattarra)-arekin janda. Afariaren ostean, Gabonetako zuhaitza argiztatzen da eta haurrak "julenisse"ren zain geratzen dira, Gabonetan "Santa Claus"-en bilakatzen den iratxoa.

Brasil

Gaurkoan berriro ere gabonak ospatzeko lurralde ezberdinak proposatzeko asmoarekin urbiltzen gatzaizue, gabonak hasi baino ez baitira egin, eta 2008 urteari amaiera duin bat eman diezaiozuen baita gure helbururik handiena!

Brasil dugu gabonak ezberdin ospatzeko beste lurraldeetako bat. Bertan, Ipanema eta Copacabana hondartzetan, su artifizialak botatzen dira Brasilgo zerua koloreztatuz. Copacabanan, afrikako emakume apaizek kandelak piztu eta lore eta opariz beteriko barkutxoak itsasoan barrena jaurtitzen dituzte. Hauek itsasaldiak eroaten baditu iragarpen ona da hori, beren sinisteen arabera, Yemanják, Itsasoko Jainkosak, urte berria bedeinkatu duenaren seinale baita. Era berean, Bahiako Salvador hiriko biztanleak zuriz edota urte berrian aginduko duen santuaren kolorez jazten dira Yemanják bedeinkatu ditzaten, hauek beren oinak itsasoan bustitzen dituzten bitartean.

Dudarik gabe esperientzia berri eta ahaztezina izango litzakete honakoa!Urte berria geure usadioetatik at ospatuz, amonaren zopa eta arraina baztertu, eta Brasilgo hondartza xarmangarriez gozatuko baikenu!

Has dezagun 2009a Brasilgo sanbaren doinupean!

Buenos Aires

Azken urteotan gune alternatibo baten bila dabiltzan horiek, Buenos Aires aukeratu dute gabonetan ihes egiteko olentzeroren opari bezala. Urteen poderioz, muturrerainoko bilakaera izan du argentinar hiriburuko festak urte sasoi horretan; lokartzeko girotik lo hartu ezinekora pasa dira. Ondorioz, bertakoak ez ezik kanpotarrak ere erakartzen ditu.

Hiriburu honen arrakasta, bertako klima epel eta atseginaren emaitza da. Gabon hotz eta euritsuetatik ihesian, gabon eta udako oporrez gozatzeko aukera paregabea baita honakoa.

Hotelen %90a betea egon ohi da abenduaren hasierarako eta horregatik, zerbitzu anitzagoa eskaintzeko joera izaten dute: tango ikuskizunak, 20.eko hamarkadan girotutako festak... Azken batean, gabon gaua "show" handi batean bilakatzen dela esan daiteke.

Prezioak ere norberaren premietara egoki daitezke, pertsonako 100$tik hasi, eta 800$ ordaintzera ailega baitaiteke.

Gabonak ere 40 gradutan ospatzeko aukera proposatzen dizugu oraingoan! Akaba ezazu errutinarekin, laga albo batera urteroko plan berdintsuak! Goza ditzagun gabonak eguzkipean!

Guatemala

Hego Amerikako herrialde honetan, gabonak tradizioz beterik daude. Festak, Abenduaren 7an hasten dira “Deabruaren erreketa” tradizionalarekin. Horretarako guatemaltemalearrak bere etxetan erabiltzen ez dituzten gauzak bilatu behar dituzte, kalera atera eta beraiekin su bat egin. Horrela, deabrua bere etxeetatik ateratzen da. Era berean, gazteek “chiviriscos” izeneko zuhaitz lehorrak bilatzen dituzte, sua egiteko. Hurrengo egunean, familiak eleizara joaten dira Virjiniari otoitz egiteko.Abenduaren 12an , umeek trape tipikoekin jantzita, Guadaluparen irudia gurtzera joaten dira. 16tik aurrera, Jose eta Mariaren irudiak etxeetako ateak jotzen dituzte, Abenduaren 24 Nazareth-en egin zutena antzezten. Bi Santuen irudi hauek, gau batez etxe bakoitzean geratzen direlarik. Hilabete osoan zehar, Guatemalako etxe katoliko guztietan, eskuz egindako jaiotzak jartzen dira, baina Jesus haurraren irudia ez da jartzen abenduko 24aren gaueko 12ak arte. Ostean, familiako norbait edo lagun batek haurraren irudia “lapurtzen” badu, etxeko jabea konturatzean, lapurra haurra bueltatu dezan itxaron beharko du eta haurra bere lekuan topatzean, agerkizuna ospatzen da.

Finlandia

Pasaden astean, gabonak, pasatzeko hainbat lekuei buruz hitz egin genuen, batzuk oso tipikoak direnak egun hauetarako( Danimarka, New York, Paris,..) eta beste batzuk ordea ez hainbeste (Australia, Peru…) Aste honetan ere beste hainbat lekuetaz hitz egingo dugu, eta herrialde bakoitzak festa hauek ospatzeko dituzten tradizio kuriosotaz ere.

Finlandiarrak, Santa Clauseri oso lotuta daude, Finlandiako iparraldean bizi baita,bixar zuriko agurea. Korvatunturi izeneko herrixkan hain zuzen.. Herri honetan gabonak ez dira gabon gaua eta hurrengo bi egunetara soilik mugatzen atzetik, prestaketa egun asko daude. Ohitura dago, gabon aurreko egunetan, lana eta gero elkarteetan biltzea gabonetako apaingarriak egiteko gero saltzeko. Gaubela hauek, “pikkujoulu” ( gabon txikia) izenaz ezagunak dira eta oso ohikoak dira bertan. Abendualdiko lehengo igandean gabonak asten dira ofizalki eta egun honetan , zuhaitza jartzen da apaingarri tipikoaekin; herrialde desberdinen banderekin egindako ilarak, herrialdeen arteko bakea sinbolizatzen duena eta “himeli”-ak , (artoez egindako figurak). Eguberri egunean, goizeko hamabietan, gabon baketsua proklamatzen da eta arratsaldeko bostetan, familiek hildakoak gogoratzeko hilerrira joaten dira kandela bat pizteko. Afaldu baino lehen, familia osoa bildu eta pianoa jotzen duten bitartean gabon-kantak abesten dituzte.Gero sabela bete ondoren, Santa Claus opari guztiekin etortzen da.

Gabon desberdinak

Hemen bezala, munduko leku ugaritan abendua ailegatzean gabonak ospatzen dira. Baina berdinak izango ote dira ospakizun hauek Frantzian, eta Chilen? Noski ezeztz.

Australian adibidez, beste hemisferioan dagoenez, gabonak udan ospatzen dira eta beraz gabonetako giro klasikoa den elurra eta hotza desagertu egiten da .Horren ordez, hondartzan ospatzen dute, palmondo eta egukitakoen azpian. Beraz, ez larritu bainujantziarekin jantzitako Santa Claus-ak ikusten badituzu bertatik paseatzen.

Perun ordea, gabon zaharreko gaua tradizioz beterik dago.Duela urte askoz loreak oparitzeko ohitura dago, bakoitza esanahi bat duelarik. Adibidez urte berrian, kontuekin larri ibili nahi ez baduzu, gertuko pertsona bati lore hori bat oparitzeko eskatu beharko diozu. Zure mutil edo neska-laguna lore gorri bat oparitzen badizu, zeuen maitasuna, hori ez amaitzeko izango da eta amari zuria eskatzen badiozu munduan oreka eta bakea eskatzeko izango. Gauerdian, mahats eta hamabi dilista jan behar dira desioak eskatzen dituzun bitartean. Ondoren, etxetik atera behar da eta daramazuen arropa astindu behar da urte berrian zorte ona izateko. Baina zure helburua bidaitatzea bada motxila hartu eta zure etxeari hamabi buelta eman. Hau eginda , seguru aski denbora gutxira bidai bat egiten egongo baitzara. Agian gure blogean gomendaturiko leku batera?

Zeuek aukeratu!

Gabon Zaharretan, munduko hiririk ospetsuenak dotore janzten dira urte berriari ongi etorria emateko asmoz. Argi eta soinuz beteriko ospakizunak, joku piroteknikoak, xanpaina, kotilioiak eta musika nonahi aurki daitezke Londres, Paris, Berlin, Nueva York, Río de Janeiro, Madril edota Bartzelonako gunerik txikienean. Geroz eta gehiago, jendeak, gazteek batik bat, gabonetako oporrak bidaiatzeko aprobetxatzen ditu. Horregatik, Gabon Zahar gaua, egun honetako beste lurraldeetako usadioak ezagutzeko aukera paregabea da: Parisko ikuskizun finetatik hasi, eta Brasilgo exotismora, esaterako.
Kaleetako farolek inoiz baino dizdiratsuago argiztatzen dute, kontzertu eta su artifizialak sekula ez bezala entzuten dira. Jatetxe eta tabernetan menurik gozoenak prestatzen dira, eta diskoteketan festarik handienak antolatzen dira.

Horregatik, hiriaren zarata atsegin dutenek, bikotekide edo lagunartean lasaitasun edo festaz gozatu nahi dutenek, elurraren maitale edota hondartza zaleek ongi pasatzeko aukera paregabea da honakoa! Ez zaitezte etxean geratu, alaitasuna kaleen jabe egin da, egin gaitezen gu alaitasun horren parte!

Danimarka

"Bizar zuri, bizar zuri, mendi gainak zuri-zuri, zorionak zorionak, bertan ditugu gabonak!!" Kaixo lagun!!! gabonak ate joka datozkigu dagoeneko, eta horregatik, gu, ahalik eta festa zoriontsuenak ospa ditzazuen ahaleginduko gara. Pentsatu eta pentsatu aritu ondoren, honako ondorioa atera dugu: gabonak, maite direnen inguruan egoteko egunak dira, halaxe da. Baina geuk, familia girora mugatu ditugu ospakizun egun hauek. Zer iruditzen lagunekin atzerrian gabonak bizitzeko aukera?
Hona hemen bada, lehenego proposamena: Danimarka.
Gabonetan, Danimarkak bertoko ikuskizun ospetsuenak (musika, argi etab.ekin) eskaintzen dizkio bertara gerturatzen diren bisitari guztiei. Bertoko Eguberrietako giroa erosoa eta familiartekoa da. Ikuskizunen artean, besteak beste honakoak dira aipagarrienak: Tivoli (jolas-parkea), Hiri zaharra (erakusketa honetan, Danimarkako gabonetako usadio zaharrenak ezagutu daitezke), Hans Christian Andersen-go etxea (gabonetako merkatu honetan, idazle famatu honen ipuinetan inspiraturiko ikuskizunez goza daiteke), eta Den Fynske Landsby-ren museoa (lurralde honetako janari eta gozoki tradizionalak dastatu daitezke berton).

Bizi ditzagun gabonak festa eta lagunartean! Goazen denok Danimarkara!

Jacako izotz jauregia

Beste aukeretako bat, eta gugandik ez oso urrun gainera, Jacako izotz jauregia da. Jacak izotz gaineko patinajea praktikatzeko instalazio paregabeak ditu.

60ko hamarkada inguruan, izotz pista internazioalki ezaguna egin zen, patinajearen maisuak bertaratzen hasi zirenean. Ordudanik, eta 70 eta 80ko hamarkadetan joera hau indartzen joan zen. Geroztik, munduko lehen mailako lehiaketen gune bilakatu da, bai hockey eta bai patinaje artistikoari dagokionean.

90ko erdialdetik aurrera, Jacako izotz jauregia, patinajearen aldera orientatu da, eta egungo txapelketa garrantzitsuenak osatzen dituen etapetako bat da honakoa.

Kokagune aldetik, Jacaren erdigunean dagoela esan daiteke. Hirian sartu eta berehala, lehenengo bidegurutzean eskubitara egin, eta berton izotz jauregi bi daude, zaharra eta egiten ari diren berria. Turistentzat eraitako urbanizazioen alboan dago, eta horregatik, bertan ostatu hartzeko apartamentu ugari aurkituko dituzu.
Sor dakizukeen kezketariko bat, autoa uzteko tokitik izango ote den ala ez izan daiteke. Horregatik lasai lagun, esan bezala etxebizitzaz josiriko gunea da honakoa, toki lasaia, eta beraz, aise aparkatuko duzu autoab botak jantzi eta gozatzeko beste ardurarik eduki gabe.
Materiala etxetik eroan daiteke, baina hasi berriak diren horiek, bertan alokatzeko aukera izango dute.

Dudarik gabe, negu hotza datorkigu haurtengoan. Goza dezagun beraz urte sasoiaz eta abia gaitezen elurraren paradisua den Jacara!!

Txuri-Urdin

Gaurkoan Donostiako irristaketa pistari buruz hitz egingo dugu.Txuri Urdin izeneko izotz pista, Anoetako kirol gunean kokatua dago. Pista hau kalitate handikoa da, 1.624 metro karratuekin, izotz hockeyko partiduak egiteko, eta irristaketa artistikoaren lehiaketetarako erabiltzen delarik. Baina ez larritu, egun on bat pasatzeko asmoa baduzu izotz pista topaleku eta aisileku bilakatzen da poztasun eta gozamen bila bertaratzen diren guztientzat. Honekin lotuta, Izotz Jauregiak, dinamizaiorako jolasak antolatzen dituzte gazte eta familientzat. Gainera, laguntzen egoten diren monitoreak festak bultzatu eta trebetasun lehiaketak antolatzen dituzte. Instalazioekin jarraituz, eraikin honek, kafetegi handi bat (pistetara bistak dituena) terraza bat kanpoaldean eta autoentzako zein autobusetarako dohako aparkalekua dauka.

Sarrerei dagokionez, prezioak aldatu daitezke jai eguna edo laneguna izanda ( jai egunetan garestiagoa da noski).12 urte baino gutxiagoko umeek 5 euroren truke sartzen dira, 12 urte gorakoak aldiz 8 euro inguruko salneurriagatik, kaskoa eta patinak prezioan barne ez daudelarik.Bertan ere eskularruak erosteko aukera dago 2,25 euroko prezioarekin. Beraz animatu, zaitezte eta ez izan alferrak diru kopuru txiki baten truke arratsalde ahaztezin bat igaro ahal duzu zure familia edo gurasoekin!! Aholku bat betara joan baino lehen ura azukrearekin duen botila bat edan gorputzeko mina saihesten baitu.

Gasteiz

Azken bolada honetan, eskiatu daitekeen hainbat lekuetaz mintzatu gara. Horretarako, mendiko hainbat eski pistak eta hirietan kokaturiko pista artifizialak aipatu ditugu. Baita kirol honetarako beharrezkoa den materiala eskuratzeko dendetaz ere. Aste honetan, neguko kirolekin jarraituko dugu, baina aste honetan hitz egingo dugun kirolerako ez da elurra behar, izotza baizik, asmatu dezakezue ze kiroletaz ari garen?
Pista bat: eskiarekin gertatzen den bezala, deslizatzen jarraituko dugu, baina oraingoan patinekin. Bai, izotz gaineko patinajeaz ari gara eta aste honetan Jaka, Gasteiz eta Donostian dauden pistetara joango gara.

Gasteizeko eski pista, zentrutik oso gertu dago, Arana auzoan. Pista ez da oso handia, baina nahikoa arratsalde on bat pasatzeko. Alboan, kafetegia dago eta bertatik pista ikusi daiteke. Pista udalak mantentzen du eta arratsaldeko 16:00tatik aurrera beti zabalik dago, berdin du larunbata, igandea edo jai eguna izatea. Sarrera nahiko merkea dela esan dezakegu, 6 euroren truke patinak eta guzti uzten baitizkigute. Baina eskiatzea oso gustoko baduzu, bono bat erostea gomendatzet dizut, horrela aurreztu egingo baituzu.Gainera, lau asteko eta hainbat hilabetetako ikastaroak daude eta udalak diru laguntzak eskaintzen ditu horretarako.

Base:

BASE izeneko enpresak, 300 kirol denda ditu Espainia osoan eta Euskal Herrian bakarrik lau ( Bilbo, Zalla, Barakaldo eta Tutera). Dendak bi motatakoak izan daitezke; Futbolean espezializatutakoak edo Snow eta eskian espezializatuak.
Gure interesatzen zaigun denda gertuena (Eski eta Snow-ean zentratua daudenak, noski) Bilbon topatu dezakegu eta Base: Euro Sport du izena.
Denda honetan elurreko kiroletaz gozatzeko behar dugun guztia eskaintzen digu; txamarrak, kamisetak, prakak, eski monoak, galtzerdiak, elurretarako botak, eski botak, snow botak, eskularruak, txanoak, eguzkirako betaurrekoak, eskiak, snow tablak, fundak, gorputzerako protekzioak (kaskoak, eskularru bereziak..)…
Barruan kalitate handiko produktuak soilik aurkituko ditugu, kalitate handiko marka espezializatuekin bakarrik lan egiten dutelako. Gainera saltzaileak, kirol hauetan adituak dira eta beraz bezeroari eskaintzen zaion arreta hobeagoa da .
Saltokira joan nahi izanez gero, Indautxuko metro geltokitik 10 minutura dago Estraunza kaleko 1.zenbakian. Dendarekin kontaktatzeko; 94 442380 , 94 4425562 edo
dep.eurosport@detallsport.es posta helbidera,

Alaska deportes

Euskal Autonomia Erkidegotik at, Madrilgo hiriburuan, "Alaska deportes" denda dugu. Madrilen dauden askotariko denden artean, honako hau bere deskontuak direla eta proposatu nahi dizuegu.
Madrilgo "Alaska deportes" dendak, beste denda guztiek bezalaxe kalitatezko arropa eta materiala eskaintzen ditu: eskiak, botak, arropa, betaurrekoak, kaskoak, eskularruentzat etab. luze bat. Marken artean honako hauek dira azpimarragarri, besteak beste: Dynastar , Fischer, Salomon, Völkl, Rossignol eskiei dagokienean; Spyder, Santoyo, Tsunami, Killtec, Volkl, Haglöfs, On Take, The North Face, Trango, Ternua jantzietarako; Carrera, Casco, Scott, Julbo, Ozone betaurrekoentzat; Carrera, Casco, Chupa-Chups, Scott, Mango, Maplús,Salomon kaskoentzat; eta Reusch, Spyder, Isard, Trango, Matt, The North Face eskularruentzat.
"Alasca deportes"ek gainera, hamaika aholku aberats ematen dizkio bezeroari, besteak beste materiala eta arropa garbitu, lehortu eta gordetzearen inguruan. Honetaz gain, lehenago aipaturiko beherapenak nabarmentzekoak dira oso: %30 eta %50 eko deskontua eski eta botentzat.
Jakina da, bezeroa atseginago duen dendetara joaten dela erostera, guk ordea, bilaketa erraztu nahi izan diegu hasi berriak diren haiei. Lagungarri izango ginelakoan, hurrenarte!!

Euro Sport

Eskiaz eta eski pistez aski hitz egin dugula uste dugu. Eskian aritzeko hainbat leku proposatu ditugu, baina xehetasun txiki batez ahaztu gara: materiala. Nola arituko gara eskian horretarako jantzi eta eski aproposik gabe? Gaurkoan, hauek eskuratzeko hainbat denda aipatuko ditugu, zuen gustuko izango direlakoan hemen doa lehenengoa: Euro Sport.

Euro Sport erropa denda Espainiako hiri ezberdinetan dago kokatuta, baina gugandik gertuen dagoen Bilboko dendaz jardungo dugu. Azken uneko marka prestigiotsuenak daude salgai Bilboko Euro Sporten. Puntako teknologiak txoko bat du bertan, bezeroa ahalik eta hobekien asetzeko asmoz. Kalitate handieneko arropa ez ezik, gazte eta helduentzako marka ezagunenak eskaintzen ditu, eskiatzaileak itxura zaindu behar duela uste baita.
Urtero, dendak dituen eski eta botak probatzen dira lehenik bertan, eroslea ahalik eta hobekien aholkatzeko helburuarekin. Beren irrika eskia dela nabarmentzen dute, eta horregatik beren bezeroekin partekatzea atsegin dute.
Besteak beste honako markak aurkituko dituzu berton: Salomon, quicksilcer,head, atomic... eskian aritzeko; lange, nordica, tecnica... botei dagokienean; scott, giro, leki, mango... bururako kaskoentzat; etab. luze bat.

Bilbo hirian, Licenciado Poza 43 kalean dago Eurosport, eta 94-4413333 da dendako telefono zebakia.

Xanadú

Aipatu berri ditugun aukera guztietaz gain, teknologia berriek eskiaz gozatzeko beste modu berri bat eskaintzen digute: eski parkeak. Dagoeneko, ez dugu negua noiz iritsiko zain egon behar, ezta haurtengo elurra aproposa izango den edo ez kezkatu. Eski parkeak urteko 365 egunak daude zabalik.

Guztien artean geure proposamena Madrilgo Xanadú eski parkea da. Xanadúk Europako eski pista "indoor" handiena du. Parke honek 250 metroko luzera du, 55m-ko zabalera goikaldean, eta 80m-ko zabalera behekaldean. Eguneko 8.000 eskiatzaile aritu daitezke bertan. Goikaldea bi zatitan dago banatua, bata eskian aritzeko, eta bestea, snowboard-a praktikatzeko. Behekaldea, zabalagoa, hasi berrientzako dago prestatua, eta pistaren oinean, 1000 metro karratuko espazioa dago haurrek ere elurrezko parkea izan dezaten. Era berean, eskian arituko ez diren haientzat pentsatutako gunea ere badago. Azken hauek, tubbing izenekoa praktikatu ahal izango dute ("donuts puztuekin" dibertitzeko pistak).

Honetaz guztiaz gain, zerbitzu gehiago ere eskainzten ditu Madrilgo Xanadú parkeak: neguko kiroletarako erropa dendak, aldagela eta armairuentzat espazio zabala, hitzarmen gela bat, bi taberna, eta jatetxe bat. Baina gainera, foku eta dekoratu bikain batez baliatzen dira artifiziala den honek errealaren itxura har dezan. Aisirako guneei gainera, tenis eta patinaje pistak, iera guneak, karting estalia, bolatokia, gimnasioa, igerilekua, zinema, 30 jatetxe, 210 denda eta hipermerkatu eta saltegi handiak erantsi behar zaizkie.

Eskiaren Jauregi honen akats bat aipatzekotan, eski pisten zailtasun eskasa nabarmenduko genuke. Pista gorriak apenas daude bertan, eta urdinak dira nagusi. Horregatik, adituentzat baino, eskiatzaile hasi berrientzat dago egina.

Dena dela, aditu edo hasi berri, goazen denok kirola eginez dibertitzera!

Baqueira

Baqueira Bereteko eski estazioa, Kataluniako pirineoetan kokatua dago, Aran izeneko Aranaren komarkan, Lleridako probintzian.

Baqueira penintsulako bigarren estazio handiena da.Pistak luzeak eta zabalak dira, baita ere zuhaitzen artean eskiatzeko aukera eskainiz. Estazioa, hiru zonaldeetan banaturik dago; Baqueira, Beret eta Bonaigua.

Estazio hau bere kalitateaz gain bere esklusibotasunagatik famatuak dira. Instalazio hauek, Espainiako garestienak dira, (egun baterako sarrera 44 euro) Horregatik normala da, telebista zein prentsa arrosan ikustea erregeak bertan oporretan ...( haiek txartela ordaindu ez badute ere)

Eski zentro hau, ohiko zerbitzuak eskaintzeaz gain; eski eskola, materiala alokatzeko dendak, jatetxe desberdina , pistetan bertan kokaturiko kafetegiak, zentru medikua.. pistetan bertan zein inguruetan apartamentu eta hotel eskaintza handia du, honetaz gainera,patinatzeko izotzezko pista, igerileku girotua, kirol dendak eta beste komertzio ugari ditu , eskiatzeaz aparte, opor polit batzuk pasatzeko.

Andorra

Aste honetan ere, eskiatzeko indarrekin jarraitzen dugu beraz, kirol hau praktikatzeko apartak diren beste hiru lekuetaz hitz egingo dizuegu; Andorra, Baqueira eta Madrilgo eski pista artifizialaz hain zuzen.

Andorrako Printzerria, (Principat d'Andorra katalanez), 25.000 biztanle inguruko herrialdea da. Hiriburua, Andorra la Vieja du izena eta bere hizkuntza ofiziala katalana da. Herrialde honek ere, kirol ofizial bat du, eta nola ez eskia da.

Andorrak, bost eski estazio ditu, Pas de la Casa-Grau Roig , Soldeu-El Tarter, Grand Valira, La Rabassa , Ordino-Arcalis eta Pal-Arinsal izenekoak, guztira 177 pista dira (286 Km). Bostak oso gertu daude eta Forfait berezi batzuk erosiz, estazio batetik bestera pasatzea oso erraza da, eskiatzeko aukerak biderkatuz. Baina, hainbeste eskiatzeagatik nekatuta baldin bazaudete, zer hobeago bainu errelajante, sauna, jakuzzi eta masai batzuk baino? Bai bai, zentrura bazoate 20 eurogatik indarrak berrekuratu ahal dituzue Caldea izeneko spa zentruan.

Andorra, eskiatik ezaguna bada, herrian dituen denda erraldoietatik are gehiago. Oraindik ere ez badakizue, Printzerri osoan saltzen diren produktu guztiak balio erantsiko zergaz libre daude eta beraz produktu askok askoz ere merkeagoak dira hemengoekin alderatuz, batez ere; tabakoa, alkohola, teknologia berriak etab. eta asko dira egunero erosketak egiteko helburu bakarrarekin.
muga zeharkatzen dutenak.

Beraz Andorra aukera ezin hobea izan daiteke, eskiatzeaz aparte, erosketak egiteko eta deskantsatzeko.

Gourette

Eskiatzeko, beste leku aparta da Gourette. Euskal Herriko iparraldean dago, eta Bilbotik, 3 ordutara dago. Gouretteko herria, Pirinio Atlantikoen mendi baten goiko aldean dago kokatuta eta herri erdian dauzka eski estazioa, beraz goi mendiko herria dela esan genezake. Herria, biztanleri gutxiko lekua da, baina neguan ( eski garaian noski), hotelak eta apartamentuak turistaz betetzen dira eta populazioa biderkatu egiten da.

Gouretteko herria, eskiak behar dituen zerbitzuetatik bizi da, herria; eski arropa erosteko dendetaz beteta dago, kafetegiak, jatetxeak ugari.. eta ekipoa alokatu behar baduzu ez larritu, alokatzeko lekuen eskaintza izugarria delako.

Eski estazioa, 1400 – 2450 metroko altuerara kokaturik dago eta beraz, elurra egotearena gehienetan ez da arazo bat izaten leku honetan. Betikoaz aspertuta bazaude, Gourette eskaintzen dituen 22 pistetaz aparte Snow Park ikusgarri bat duzu(8.000 m2).

Eskiatzea gustoko ez baduzu, erraketekin, ibiltzeko ibilbide zoragarriak daude eta alferragoa bazara baina paisai ederrak ikusteko aukera galdu nahi ez baduzu txakurrez bultzatutako lerekin bueltatxo bat emateko aukera ere badago.

Ikusi ditugun beste bi herriekin alderatuz (Ezcaray eta Jaca), Gourette herri lasaia da gauez, eta beraz mendiak eskaintzen duen bakea eta lasaitasunaz gozatzeko herri aparta da.

Ezcaray

Oso urrutira joan gabe Ezcaray dugu elurraz gozatzeko beste parajeetako bat. 2.000 biztanle dituen Errioxako udalerria da Ezcaray, baina gune turistikoa den aldetik, udan 15.oo0ra iristen da biztanleria.

Valdezcaray dugu bertako eski-estazioa. Estazio txikia da honakoa eta 300 hektarea ditu erabilgarri, zailtasun handi eta gutxiagoko pistekin. Oso ongi ekipaturiko pista da, denetarik du: aparkalekua, leihatillak, informazio ofizinak, taberna eta kafeteri ugari... Goizeko 9tan irekitzen dituzte pistak eta arratsaldeko 17etan itxi. Oso estazio merkea da, eguneko 15 bat euro baino ez.

Estazio txikia dela onartu beharra dago, baina besteen antzera, denetariko zerbitzuak eskaintzen ditu. Merkea da oso, eta bertara iristeak ez dizue inolako zailtasunik emango. Euskal Herritik oso gertu dugu gainera, eta jakin dugunez Ezcarayko festa gauek ez dute parekorik!

Beraz ez dago aitzakiariklagunekin asteburu bat pasatzera joateko!!!

Jaca

"Elurra teilatuan, zakuan lepuan, ibili behako degu haurtengo neguan..."! Iritsi dira hotza, lehen eurite eta haize boladakak, iritsi da negua, eta harekin ekarri ditu dagoeneko lehengo elur malutak. Hau dela eta, honako proposamena egin nahi duzegu: har itzazue txamarra, bufanda eta botak eta joan gaitezen elurraren paradisura!

Ez dugu ezinezko proposamenik egin nahi, eta horregatik Jaca da gure lehen geltokia. Huescako udalerrietako bat da Jaca, Aragoi erkidegoan. 13.000 biztanle baditu ere, hau nabarmen handitzen da udan eta neguan.

Euskaldunak gara batik bat, elurra eta parrandaz gozatzeko asmoz bertara gerturatzen garen turistak, eta horregatik ez da harritzekoa kaleetan barrena euskara, erdara bezain beste entzutea.

Jacatik ordu erdira Astún eta Candanchú eski-pistak ditugu. Bertarako bidea ez da batere arriskutsua, nahiz eta errepidean elurra zein izotza dagoen horietan, polikiago joan eta zenbaitetan, kateak jartzea gomendatzen den. Goizeko bederatzietan irekitzen dira pistak, eta arratsaldean 16.30ak aldera isten da guztia. Eguneko bonoak 40 euro inguru balio ditu, eta seguruak 3 ( 3 euro hauek, bonoa entregatzerakoan itzultzen zaizkigu). Materiala alokatzeko, pistetan edota Jacan bertan egin daiteke.

Gaualdean, Jacako giro aparta ezagutzera joatea gomendatzen dizuegu! Askotariko musika abestu eta dantzatu daiteke bertan, edaria merkea da hemengo prezio altuekin alderatuz, eta tabernak 05:30ak aldera isten dira. Animatu ezkero hona hemen ezagunetariko batzuk: "Bertoni", "Bogart", "La Gruta", "Connos", "Camelot", "Bucanero" ...Egonaldia orobat, ez zaizue garesti sertatuko, hotelez gain ostatu merkeak ere baitaude. "Alpina" ostatua da geuretzat guztien artean izarra, merkea ez ezik, gazteez josia baitago!Anima zaitezte!!

Istanbul

Apurtxo bat iparraldera, ondoren ekialdera, zertxobait eskubirago, eta azkenik beheruntz egin ezkero Istanbul izeneko paraje zoragarri batera iritsiko gara. Istanbul Turkiako hiririk handiena da eta baita Europako handienetako bat ere, zortzi milioi biztanle ingururekin. Asia eta Europaren erdialdean, garai batean garrantzia handiko lurraldea izan zen, hain zuzen bi kontinenteen arteko merkataritza gunea izan zelako. Aspaldi joan nintzen ni Istanbulera, 12 bat urte izango nituen orduan, eta Erreala "txapeldunen liga"rako sailkatu zen. Aitzakia horrekin, maletak prestatu eta bertara joan ginen ilusio handiz. Bertan igarotako egunak zoragarriak izan ziren! Hamaika lekutan ibili ginen, batetik-bestera egun luzeetan zehar. Besteak beste, Topkapi Jauregia, Mezkita Urdina, Santa Sofia Eliza, Suleiman el Magníficoaren Mezkita etab. ikusi genituen. Horretaz gain, "Bazar Handia" eta " Espezieen Bazarra" bisitatu genituen, erotzeko moduko lekuak! Turkiar bainuetxeak ere ezagutu genituen, eta Bósforo ibaian barrena egin genuen bidaia.

Herrialde musulmana da Istanbul, eta erlijioak agintzen duen moduan, egunero-egunero eguzkia irtetzearekin batera, hiri handian barrena zintzilikaturiko megafonoetatik errezurako deia egiten zen. Bost-sei aldiz errezatzen zen egunean. Mezkitan, gizonak alde batetik eta emakumeak bestetik aritzen ziren errezuan, betiere hanka hutsik eta burua estalia, esku zein hankak garbi-garbi zituztelarik.

Janariari dagokionean, ez zitzaidan gehiegi gustatu! Gazta asko zegoela oroitzen dut, baina inondik ere hemengoaren parekoa! "Baklava"izeneko jaki bat ere jaten genuen (pinazi eta siropez betetako hostorea).

Azken aurreko eguna ametsetako egun horietako bat izan zen. Errealak, Galatasay talde turkiarraren aurka jokatzen zuen, eta bertara gerturatutako errealzale guztiak elkarturik joan ginen Ataturk izeneko estadiora. Ataturk, Turkiako errepublikako lehen presidentea izan zen eta bertotik datorkio beraz izena estadioari. 2-1 irabazi genuen, bai jauna! Pozez zoratzen geurera itzuli ginen berriro ere, oraingoan bai, geure ametsetan noiz berriro itzuliko imajinatuz!

Egipto

Egiptoko Errepublika Arabiarra, Afrikako ipar-ekialdean kokatua dago. Kontinenteen herri populatuenetariko bat da, eta biztanleria hiriburuan ( Kairo), Alejandria eta Nilo ibaiaren inguruetan kokatzen da batez ere. Egipto, mundu osoko zibilizazio zaharrenetako baten altxorrak gordetzen ditu. Besteak beste, Gizako esfingea eta piramideak, Erregeen arana, Abu Simbeleko tenplua, Kairoko museoa.. Leku bakoitza magikoa iruditu zitzaidan; .Abu Simbeleko tenplua harkaitzean egina dago eta sarreran eskultura erraldoi eta harrigarriak ditu, txiki-txikia sentiarazi ninduena. Bestetik, Kairoko museoak, Egipto Zaharrari dedikaturiko ehunka gela ditu eta bertan, momiak, Tutankamon faraoi famatuaren maskara eta garai hartako beste milaka bitxikeri topa ditzakezu. Leku hauek nahiko urrun daude elkarren harten beraz gomendatzen dizuet, bertara joan nahi izatekotan bidai agentziek Nilotik zehar antolatzen dituzten Ferry zirkuitu bat erostea. Bidaiatzeko oso modu erosoa da eta gaur egun Egipton gehien saltzen ari den turismo mota da. Beraz bidaitzea gustoko baduzue Egipto ezinbesteko geltokietako bat da.

Tunez

Kaixo laguna! Aste honetan mundu arabiarra bisitatzea erabaki dugu. Konkretuki Egipto, Tunez eta Estanbul ikusiko ditugu, gu bertan egon garelako eta beraz ,gure ikuspuntutik politenak iruditu zaizkigun lekuetaz mintzatuko gara.

Tunez, Afrikako Mediterranear kostaldean kokatua dago eta 11 milloi biztanle ditu gutxi gora behera. Herrialde honetako izen ofiziala Tuneziar errepublika da eta hiriburuarena Tunez. Gainera, lurraldearen % 40a Saharako basamortuaz okupatuta dago.
Tunez, kultur oso aberatsa duen herria da, eta sakonki ezagutzeko interesa baduzue, bidai agentziek antolatzen dituzten zirkuituetako bat egitea gomendatzen dizuet. Tunezeko hiria, mugimendu handikoa da. Bertan ere oso famatuak diren zokalo izenekoak daude. Zokaloak kale oso estuetan kokaturiko dendak dira, eta denetarik erosteko aukera dago. Baina, tentel bat bezala diru mordo bat ordaitzeko prest ez bazaude kontuan izan tratu on bat lortzeko pazientzia asko izan behar duzula.
Bestetik kostaldean, are txuriko hondartza paradisiakoak daude eta nahi izatekotan, zaldi baten gainean paseo bat emateko aukera egoten da leku gehienetan.

Tunez historia handiko lekua da, eta bertatik pasa diren zibilizazio ugarien aztarnak ditu; erromatarrak, kartagineseak... Beraz, turismo historikoa egin nahi ezkero ez kezkatu, herrialde hau aintzinako zibilizazioen hiri eta kulturaz beterik baitago.

Haro

Festa hizpide dugun gaurkoan, Haro herriarekin egin dugu topo.
Haro Errioxako ipar-ekialdean dago kokatua, eta 10.000 biztanle inguru ditu.
Gutxi hitz egin diezazueket Haroren inguruan, hari buruz ezer gutxi baitakit. Dena den, bi hitzetan defini dezaket Harok eskaintzen duenaren muina: jana eta edana. Leku gutxi ezagutzen dut (bat bera ere ez esatearren) harok adina taberna, jatetxe eta pub dituena. Eta honi estuki loturik, iraileko "pintxoen astea" nabarmendu nahiko nuke: tabernek askotariko pintxoak eskaintzeen dituzte prezio merke baten trukean. Honetaz guztiaz gain, Haroko gauak inguruko herrietako gazteen topaleku dira (lehen aipaturiko Bastida, Briñas, Logroño...). Berton, udako gau beroez gozatzeko aukera paregabea duzu pub eta diskotekez gain terraza txundigarriak baitaude adin nagusikoentzat!
Gonbidapena egina dago, erantzunaren zain geratuko gara gurea egin dugun txoko honetan!

Bastida

Ardoa hitza esaten badizuet, zer da gogora etortzen zaizuen lehen gauza? mahastiak, alkohola, txikiteoa akaso? Horiek guztiak baitan biltzen dituen herria da Bastida. Gasteiz hiriburutik 30 minutura dagoen herri txikiak mila biztanle inguru ditu, baina hau hamar aldiz biderkatzen da lehen eguzki izpi indartsuak iristearekin batera.
Arabako Bastida gune turistiko aparta da eta horretarako ederto prestatua dago: hainbat urbanizazio liran ditu, beren igerileku, futbol zelai etab.rekin. Horretaz gain, guztien atseginerako egindako udal igerileku bat du, tobogan eta ur-jolasez josia.
Euskaldunak gara batik bat Bastida udara gune hautatzen dugunak, eta hau kasualitate hutsa ez dela esango nuke nik: tabernak eta jatetxeak ditu nonahi, frontoi eta mendia(Toloño), eta hau gutxi balitz abuztuaren hasieran festa herrikoi paregabeak!
Euskaldunon apetak aise asetuko dituen herria da beraz Bastida!

Bastida

Ibiza

Pasaden astean, gure ohiko bizilekuez hitz egin genuen. Aste honetan ostera, uda honetan egon garen lekuetaz mintzatuko gara.

Uda honetan, Ibizan egon nintzen. Oso irla polita iruditu zitzaidan eta kotxe bat alokatuz egun batean irla osoa ikusi ditzakezu. Irlako iparralde eta hegoaldearen artean desberdintasun handiak antzeman nituen. Iparraldea, irlaren alde basatia da, kala txiki eta lasaiez betea, barrualderantz sartuz, Ibizako nekazari herri tradizionalak ikus daitezke. Hegoaldea ostera, oso populatua dago eta turismoa dela eta oso ustiatuta dago, batez ere Ibiza hiriburua eta alboan dagoen San Antonio herria. Bi leku hauetan, munduko diskotekarik honenak daudela esaten da, eta luxua eta nabarmentasuna ikusgarri da nonahi; Drak-queenak, neska politak, yateak, denda garestiak, luxuzko hotelak…

Baina Ibizara joatekotan barkaezina da, Formenterako irla ez bisitatzea. Oso erraz joan zaitezke, edozein lekutan erosi daitezkeen ferry bateko billeteak hartu eta bi ordutan gehienez ( lo egiten duzun herriaren arabera) bertan egongo zaitezke. Bertan, irla zoragarri horretako parke natural eta Karibean dauden bezalako hondartzaz gozatuz.

ALGORTA

Algorta, Getxoko udalherriaren barruan badago ere, bertako herritar gehienek ez dira getxotarrak sentitzen, algortarrak baizik. Algorta, Portu zahareña jaio zen auzo handia da eta hortik herriak duen arrantza tradizio handia.

Portu zaharrak, etxe txiki eta kale estuak ditu. Askorentzat leku magikoa da, telefonikak adibidez bere iragarki berria grabatu zuenean berdin pentsatuko zuen.

Alde zaharra utziaz, aldapan gora bagoaz (halakoez naztuko zarete) San Nikolaseko enparantza tradizionalarekin topo egingo duzue.Plaza honetan eta inguruetan egingo dire, obrak algortar guztien ahotan dagoen gaia da. Udalak, milioika euro xahutu nahi ditu, Getxo Antzokia botatzeko eta behar ez den antzoki berri bat egiteko. Baina zine hau, Euskal Herriko zaharrenetariko bat da eta botatzea akats larri bat izango litzateke, Gainera, udalak planifikatutako obra berri honek, bi zine eta auditorioa izango ditu eta egun dituen bezeroak ikusita pentsaezina dena.

Obra hauek alboan dagoen San Nikolas enparatzaren desagertaraztea eragingo luke baita bertan biltzen garen gazteon sentimendu handia.

Bestetik, Algortatik parrandan joan nahi izatekotan, auzoan zehar dauden tabernak oso ondo daude, eta jai giroa oso handia izaten da asteburu gauetan. Udan ostera, famatuak diren San Inazio eta Nikolas Deunaren jaiak ditugu. Portu zaharreko jaietan (Nikolas Deunarenak), hainbat froga egiten dira,, besteak beste; sokamuturra, kukaña, gorako helegiteak,, eta jaiei amaiera emateko azkeneko egunean Pijama Eguna ospatzen dugu eta tradizioa denez herritarrrek marmitakoa egiteaz gain, pijamaz jantzitan joaten gara egun osoan zehar,

Antiguo

 Gaurkoan, lehenego eguna izanik, gure bizilekuak aurkeztea erabaki dugu. Gure ikuspuntutik, pertsonalki hitz egitea pentsatu dugu, eta halaxe egingo dugu oraingoan ere. Alde batetik Antiguori (Donostia) buruz hitz egingo dugu apur bat, ondoren Algorta (Getxo) 

izango dugu hizpide.

 Antiguo txikia, Donostiako auzo girotsu eta juergazalea da. Igeldo mendiaren magalean, eta Ondarreta hondartzaren alboan gaur egun Donostia hiria osatzen duten lehenengo etxebizitzak eraiki ziren. Txillidaren Haizearen Orrazia eta Miramar jauregia dira, hondartzarekin batera, lekurik bisitatuenak. Antiguo auzoak atsegin du kirola, bi polikiroldegi eta tenis club ederra ditu baitan. Baina pilotazale amorratuak dira batik bat antiguotarrak. Taberna mordoa dago kaleetan barrena, eta txikiteoa zein pintxoak jatera joateko apeta zabaldua dago berton. Ezagutzeko leku paregabea da Antiguo, joan eta konproba ezazue!

Agurra

Kaixo irakurle! guri ere berria zaigun txoko honetan munduko hainbat lurraldez hitz egingo dizuegu. Asko dira oraindik ere ezezagun ditugun munduko parajeak, eta haiek azaltzeko asmoz, astero 3 herrialde berri ezagutuko ditugu. Batzuk, gure inguru gertukoak izango dira, beste batzuk lehenengo pertsonan ezagututakoak, eta baita ametesetan bisitatutakoak ere. Nahi izanez gero, zuek proposatutako lekuetara egin dezakegu salto. Era berean, zuen galdera guztiei erantzuten saiatuko gara! Gune hau atsegin izango duzuelakoan... motxila prestatu, eta hurrengo geltokian ikusiko gara!!